قلب اللوز
♥خطوة خطوة من مطبخي♥
وصفة قلب اللوز♥ من مطبخي ♥ و الذوق كيما الي يباع في المحلات و الذ لانها مصنوعه
بالبيت♥
المقادير عندكم كيلة تتبعوها في القلب لوز و الشاربات♥ انا كيلت بتاع الشربة كما راه مبين في الصور --- اوك
للعجين:
3 كيلات سميد مواين خشين
2 كيلات سكر
1 كيلة مخلطة بين ماء و ماء زهر
3 ملاعق سمن كبار ذائب
في ليان خلطي السكر مع السميد و اضيفي السمن و حكيه بيدك جيدا تم اضيفي كيلة الماء و الماء زهر و حكي حتى تتحصلي على عجين مفتول مش معجون اتركيه يرتاح
في قدر حضري الشاربات
كيلة و نص سكر + 4 كيلات ماء + فنجال ماء زهر و اتركيه يغلي
للحشو الي يحب قلب اللوز محشي
كيلة صغيرة لوز + نص كيلة سكر + ملعقة صغيرة قرفة و افتليه بالماء زهر
النحضير:
هاتي العجين قسميه لقسمين
ادهني صنيتك بالسمن
و هاتي قسم 1 للعجين و اطليه في الصنية كلها
حطي الحشو وللا كن في الوسط فقط الاطراف لا -- شاهدي الصورة ---
غطي القلب اللوز بالقسم المتبقي من العجين جيدا
هاتي شوية سمن ذائب و اطليع فوق العجين
و بسكين حددي مربعات القلب اللوز و لاكن لا تقطعي حددي فقط و اغرسي لكل قلب لوزة
لوزة ♥و ادخليه للفرن اشعليلو من تحت
حتى تري الاطراف اصبحو بنيين شغلي الفرن من فوق حتى يصبح بني غامق شبه
محروق لا تخافي هاد اللون طبيعي
اخرجيه و اسقسه مرة و اتركيه لما يتشرب اسقيه بالبقية
قلب اللوز يجب ان يبات يوم كامل بعدها تقدري تقدميه بصحتكم ♥
هاد الوصفة الي نعتمد اعليها الا ما خرجتلكش عاوديها حتى تنجحي ان شاء الله و تولي
محترفة فيه
بصحتكم
وما تنساوش تدعيونا بالخير ♥
تبارك الله عليك اختي وعطاك الله الصحة ان شاء الله نجربها بطريقتك
ردحذف